Ռուսաստանի պաշտպանության նախարարությունը հայտնել է, որ Չերվոնայա Զիրկայի գրավումից հետո ռուսական ուժերը լիովին վերահսկում են Դոնեցկի Ժողովրդական Հանրապետությունում գտնվող գետերի՝ Վոլչյա և Մոկրե Յալի միջև ընկած տարածքը, գրում է Лента.ру-ն։
Հաղորդագրության համաձայն՝ այդ ուղղությամբ գործող «Վոստոկ» զորախումբը շարունակել է առաջխաղացումը՝ նախ գրավելով Զապոռոժիեն, այնուհետև՝ արագ հարձակմամբ դուրս մղելով ուկրաինական ուժերին Չերվոնայա Զիրկայից։ Սա վերջին շաբաթում ռուսական կողմի գրաված արդեն հինգերորդ բնակավայրն է։
Ավելի վաղ ՊՆ-ն հրապարակել էր դռոնով նկարահանված կադրեր, որտեղ երևում են ռուսական ճշգրիտ հարվածները և գյուղում ծածանվող Ռուսաստանի դրոշը։
