Ամերիկյան OpenAI ընկերությունը, որը ստեղծել է լայնորեն քննարկվող ChatGPT արհեստական բանականության չաթբոտը, հայտարարել է ԱՄՆ կառավարության և պետական ծառայողների համար նախատեսված ծրագրի մեկնարկի մասին: Նոր նախաձեռնության շրջանակում ընկերությունը 200 միլիոն դոլարի պայմանագիր է կնքել Պաշտպանության նախարարության հետ:
Ծրագիրը ենթադրում է կառավարության ներկայացուցիչներին արհեստական բանականության վրա հիմնված գործիքների, այդ թվում՝ առաջադեմ լեզվական մոդելների հասանելիության տրամադրում։
«Այս ծրագրի շրջանակում ընկերությունը կմշակի արհեստական բանականության նախատիպային հնարավորություններ՝ լուծելու ազգային անվտանգության կարևորագույն մարտահրավերները՝ թե՛ ռազմական, թե՛ քաղաքացիական ոլորտներում», — ասել է Պենտագոնը: Աշխատանքները հիմնականում կիրականացվեն Վաշինգտոնում և նրա շրջակայքում, իսկ ավարտի ժամկետը նախատեսվում է 2026 թվականի հուլիսն է:
